A nupui Cherry Seaborn-i’n february thla liam taa tumour vanga enkawl a nih lai khan Ed Sheeran hian darkar 4 chhungin hla puitling pasarih a phuah hman.
Kum 32 mi pop megastar leh a nupui hi an fa pahnihna Jupiter an pai thlarukna a nih khan chhungkuaa dam lohna nasa tak thleng zuiin, a nupui natna khrih tak vangin an khawvel a chim lo chauh!
Cherry (30) chuan, “Tomour vanga enkawl ka nih tuk maiah Ed hi In hnuai lamah chhukin darkar li chhungin hla pasarih a phuah. Mi thenkhat chu diary te ziakin pen hmangin an chhungril phawrhchhuahna an nei thin a, Ed tan chuan boruak rit tak a lo thlen hian hla phuah lamah a tuan mai thin,” a ti.
Ed Sheeran hian khawvel chawimawinia leh ropuina tam tak nei tawh mah se, a nun ram a chau thin hle a, nikum mai khan a thiantha ber mai Jamal Edwards leh Shane Waren te an lo thihsan tawh a, heng thihna te hi a tuar na in, dam chak lohna hial a thlen hman a, hun hrehawm tak a paltlang.