Mizoram Youth Commission (MYC) hnuaia competitive exam hrang hrang atana inbuatsaihna coaching class May – August thla chhunga kalpui tur chu nimin khan MYC Chairman Dr Vanlaltanpuia’n a hawng.
MYC Chairman chuan, Mizoram thalai lehkha thiam te chu state service piahlamah state pawnah pawh a tam thei ang ber exam hmachhawn tur leh bei turin a fuih a. Tuntuma coaching class kalpui turah hian subject hrang hranga zirtirtu tur pawh a tha thei ang ber lakkhawm an nih thu a sawi.
MYC-in coaching class a kalpui leh tur atan hian mi 200 chuang an inziaklut a. Shift 3 – zing, chhun leh tlaiah te zirlai leh hnathawh lai neite tan pawh an remchan hun huna kal theih tura ruahman a ni.
MYC coaching centre hi May, 2016 atang khan Dinthar Veng, Aizawlah tan a ni a, Aizawl, Lunglei, Siaha, Kolasib leh Champhai-ah te Coaching center hawn a ni leh tawh bawk.