Sorkar laipui chuan Thawhtanni khan mobile messaging leh calling apps 14 te chu a ‘ban’ ta a, firfiak ho leh an mahni thlawptute hman thin nia hriat ni bawk hi Jammu & Kashmir bakah Pakistan-a an thawhpuite an hmang tangkai.
Ministry of electronics & information technology chuan Section 69A, Information Technology Act tlawhchhanin mobile apps 14 te hi India ram himna tiderthawng a, ram leh hnam inpumkhatna tichhe zawng leh dan rorelna tibuai thei anga hman thin a nih vangin khap bur niin thuchhuah siamin a tarlang.
Heng khap bur app zingah hian Crypviser, Enigma, Mediafire, Briar, BChat, Safeswiss, Wickrme leh Nandbox te chu a langsar zual an ni a, agency hrang hrangte ngenna chu sorkarin a takin a kalpui ta a ni.