Nimin khan BJP Mizoram State Vice President Vanramchhuanga’n thuchhuah siamin, kumin MLA inthlan lo awm turah manifesto atan rawtna theh lut turin mipui a sawm.
BJP Mizoram thuchhuah chuan, 2023 MLA General Election lo awm turah Mizoramah hmasawnna dik leh tha, mirethei thleng phak neih a nih theihna turin BJP chuan theihtawp chhuahin hma an la mek a, manifesto pawh siam mek a nih thu an sawi.
Hetih rual hian, BJP chu mipui party a nih angin mipuite’n sorkar siamnaah tha an thawh ve nan leh, mipui sorkar tak tak hmuh a nih theih nan kumin MLA inthlan lo awm turah BJP manifesto atana rawt duh an neihte chu BJP State Office-ah ziakin emaw, BJP Mizoram Vision Document Chairman Vanramchhuanga (ph no: 943636643) hnenah te, 2023 BJP Vision Document Secretary ST Lalnunmawia (ph: 8258986878, 7085377975) ah te theh lut turin mipui an sawm tih thuchhuah siamin an tar lang.