Aizawl : Govt. Aizawl North College-in library week an hman chu Aizawl North II bialtu MLA Dr. Vanlalthlana’n khuallian niin a hmanpui.
May 3 leh 4, 2023 chhunga Govt. Aizawl North College te’n Library Week an hman turah hian thupui atan ‘Library Service in Knowledge Society’ tih an hmang a; Library Week hman chhung hian thupui hrang hrang thlan te hmangin mi thiam tak tak ten College zirlaite hnenah thuchah tha tak tak an sawi dawn a ni.
Library Week hawnnaa khuallian Dr Vanlalthlana chuan, “College zirlaite hian library hi kan hmang tangkai tur a ni a, zirtirtute pawhin kan library hi hman tangkai theih tura kan buatsaih a pawimawh a ni,” tiin library week hmangtu zirtirtute leh zirlaite chu lehkhabu chhiar tam kawngah hmasawn tum turin a chah.
Dr Vanlalthlana hian Govt. Aizawl North College tan hian MLA fund atangin library-a lehkhabu dah tur eng emaw zat a lei sak tawh a, college library tana insen zel a inhuam thu leh tihhmasawn zel a tum thu a sawi bawk.