Mumbai leh Delhi awi hlim turin Backstreet Boys chuan India leilung an rap ta a, kum 13 hnu lam an rawn inlan lehna hian ngaihven a hlawh.
Ruahman dan chuan May 4 hian JIO Garden, Mumbai-ah an inlan ang a, May 5 hian Jawaharlal Nehru Stadium, Delhi-ah tawp kharna an nei ang.
BSB-ibn DNA World tour an neih mek kalpui chhunzawmna ah India an rawn telh a, he tour hi 2019 khan Lisbon, Portugal-ah khuh hawnna neiin, hlawhtling takin an kalpui chho mup mup mek a ni.
BSB hi 1993 khan Orlando Florida-ah din tan a ni a, member duhawm tak tak- Nick Carter, Howie Dorough, AJ McLean, Kevin Richardson leh Brian Littre te bul tanin, 1990s tawp lam leh 2000s tir lam khan rimawi khawvel an al hneh miah miah hle.
An hla lar tak takte chu khawvel hmun tin mai hi a tuam chhuak a, Mizoram ah ngei pawh tleirawl lamin atchilhin, an buaipui ve nasa hle a nih kha.
An hlasak te hi pop music anga ngaih theih ni mah se, R&B chawhpawlhm soul leh dance thlengin an huam kim biai mai a, hei hian mite ngainat a tihhlawh lehzual.
BSB hi rimawi khawvela boyband hlawhtling ber zingah an tel a, tun thleng hian khawvelpumah copy maktaduai 100 hralh chhuak tawhin, boy band dang te ai pawh hian an chungnung hle a ni.