DFB Pokal champion lai RB Leipzig in semi-final ah goal nga an khung a. A zawna kum thum nan German Cup final an khel dawn.
Thawhlehni zanah Europa-Park Stadion-ah SC Freiburg in Leipzig hi an mikhual a. Spanish playmaker Dani Olmo langsar hle in 5-1 in hnehna an chan theih chhan a ni.
Olmo hian goal hmahruai a khung bakah midang goal khung tur vawi thum a siamsak.
Minute 13-naah Olmo hian an goal hmahruai a tauh lut a, minute khat a liam hnuah Benjamin Heinrichs goal khung tur a saimsak.
Dominik Szoboszlai chuan goal thumna khungin Christopher Nkunku chuan halftime dawnah an goal li na a khung a. Second half-ah Leipzig defender Josko Gvardiol chu hnawhchhuah a ni chungin an buai lova, huntawp dawnah Szoboszlai bawkin an goal hnuhnung ber a khung.
Freiburg tan Michael Gregoritsch chuan second half-ah goal khat a khung ve a ni.
Leipzig hian VfB Stuttgart leh Eintracht Frankfurt inkhel a chak zawk final-ah hian an hmachhawn ang.