United States-a Tennessee state laili chu thlipui na tak (tornado) chi hnihin a nuai a, mi 7 an thi a, an khawpui lian ber, Nashville-ah pawh thi an awm.
Tornado thawk hian chenna in tam tak a tichhe bawk a. Nashville Mayor John Cooper chuan an khawpuiah chhiatna tam tak a thleng tih sawiin mipuite chu an bul hnaia mite pui tura che chhuak turin a ngen hlawm.
Power pekna a chhiat avangin mi 40,000 chuangin êng an nei lo va. Khawpui laili atanga mel 8 vela hla, John C Tune Airport-ah pawh chhiatna a thleng niin an sawi.
Nashville bul, Mt Juliet chhehvelah chuan gas put a awm niin an sawi a, power line chatte leiah a inzam nuaih bawk avangin chhiatna lian zawk thlen a hlauhawm hle.
Nashville-a Emergency Operations Centre chuan lo neitute bazarah chenna in nei rih lote inkulhna tur a siam a. Khawpuia sikul leh inkalpawhna khar vek a ni.