Philadelphia 76ers star player Joel Embiid chu kumin NBA 2022-23 season chhunga Most Valuable Player a thlan a ni.
Kum 29 mi Cameroonian center hian MVP thlannaah hian pakhatna vote 73 a hmu a. Denver Nuggets khaipa ber Nikola Jokic chu khumin ani hian vote 19 a hmu ve thung.
Milwaukee Bucks star Giannis Antetokounmpo chu pathumna a ni.
Embiid hi tun season-ah a zawna vawi hnih nan NBA season khat a point score hnem ber a ni tawh a. Regular season-ah ani aia point score tam an awm lo. Kuminah 33.1 points per game average neiin hei hi NBA a khelh hnua a la san ber tum a ni.
NBA All-Star vawi ruk ni tawh Embiid hi tunhnaiah khup hliam avangin Sixers in NBA Playoffs a an match hnuhnung pahnih a khel thei lo tawh a. Tunkar a Boston Celtics laka an chak tum pawhin a khel lo tawh.
Embiid hi African player zinga NBA MVP chawimawina dawng thei pahnihna chauh niin kum 1993-94 season khan Hakeem Olajuwon chuan a lo dawng tawh.