Mizoram Pradesh Congress Committee (MPCC) Executive Meeting nimina thukhawm chuan Zodintluanga Ralte-in treasurer nihna atanga bânna a theh luh a pawm.
Nimina Lal Thanhawla Auditorium, Congress Bhavan-ah MPCC Vice President Lal Thanzara kaihhruaina hnuaiah MPCC Executive Meeting neih a ni a. Thutkhawmah hian April 21, 2023-a MPCC Treasurer Zodintluanga Ralte-in bânna a theh luh chu, May 1, 2023-a president nena press conference an lo neih tawh angin lungrual takin a pawm a. Treasurer thar ruat chungchanga thuneihna chu elected OB-te kutah a hlan bawk.
MPCC Executive Meeting-ah hian MPCC thupuangtu, Dr. Lallianchhunga resolution put luh, “Pu Lalsawta’n MPCC a kaihhruai dan hi tha kan tiin kan ringtawk a. Mizoram tana a hmathlir leh a kaihhruai tum dan hi Congress party tan chauh pawh ni lo, Mizoram tana tha, dinchhuahpui tham niah kan ngai a ni. Chuvangin, sorkar tha siam tura Pu Lalsawta kaihhruaina hnuaia lungrual taka hmalak zel nise kan ti,” tih chu pass a ni.