Agriculture Minister C. Lalrinsanga chuan tun hnai khan Assam sorkara Agriculture Minister Atul Bora chu a chenna inah kawmin state pahnih ramri chungchang leh agriculture hmalakna chungchang an sawi dun.
State pahnih minister-te hian ramri chungchang an sawi dun a, Mizoram Minister Sangtea chuan state aiawha hmalatuten an hma lak mek kal zelah inremna tha tak an neih ngei theih a duh thu leh Assam pawh inhawng leh zual tura a duh thu a sawi.
Agriculture minister pahnih hian agriculture chungchanga thawhho dan turte an sawi dun bawk a, C.Lalrinsanga chuan hmarchhak state-te inpawh leh tangrual zawka thawhho a ngaih pawimawh thu te, agriculture lamah pawh thawhhona tha zawk an neih zel a beisei thu te a sawi.
Mizoram minister chuan Kharif season lo awm tur atana thlai chi tha chungchanga hmasawnna nasa zawk kalpui thei tura ruahmannate sawipuiin, buh chi tha leh hlawk zawk an neih, black rice leh thlai chi hrang hrang dangte pawh Mizorama tharchhuah a nih theih nana hma lak zel dan turte a sawipui a ni.