Tun kum 2023 Rock & Roll Hall of Fame-ah Kate Bush leh Geroge Michael te lakluh an ni dawn.
Milar pahnih te hian country legend Willie Nelson leh singer-songwriter Sheryl Crow te nen chawimawi ropui tak khumtirin an awm ang. Tehna hrang hrang kaltlanga tling thelh thuak thuak, tling lo mai tura ngaih karah fan vote a ta fal vang te, hun rei tak rimawi siam thar tawh lo mah se, a hla hlui lar leh thut te vangin anni pahnih hi lakluh tho tur an ni a, rimawi khawvela hriatlar tak pahnih an nih tho bawk vangin hneh takin tlinga puan a ni.
Rock & Roll Hall of Fame a lut tur chuan single tihchhuah atanga kum 25 thleng pawha zaithiam leh hlaphuah thiam tlo leh lar tak nih a ngai.
Kate Bush hi 2018 2021 leh 2022 te khan nominate a lo ni tawh. Kum 2011 atang khan hla tha tichhuak tawh lo mah se, tunhnaia series hit tak ‘Stranger Things’ -ah a hla ‘Running Up That Hill’ chu vawrh lar niin nas takin a hit zui bawk a, hei hi hmuh hmaih rual a ni lo.
Boral tawh George Michael hia kumina lakluh ni turin fan vote a hmu sang fal bik hle a, hengte vag hian Cyndi Lauper leh Warren Zevon a khum ta a ni ber.
Heti anga lakluh a nih dawn takah chuan band anga a telna leh larpuina WHAM debut album, ‘Fantastic’-in kum 40 a tlinna chiah a lo ni lehzel a, a lawmawm thuahhnih hle.
Rock & Roll Hall of Fame-a mibik lakluh runpuii hi kumin November hian Barclays Center, New York-ah neih a ni ang.