Aizawl : Khawzawl district-a leichi (fertilizer) lakluhte thlithlaia dan ang taka hralhchhuah a ni em tih leh dan lova tawlhruk a awm em tih endik tura sor- karin a din, Khawzawl district vigilance committee on Fertilizers chu nimin khan an Chairman, Khawzawl Bawrhsap K. Lalrohlua hovin an thukhawm.
Thutkhawm kaihruaitu Bawrhsap chuan Khawzawl district chu dan phallohva khawchhak lama leichi (fertilizer) phurh luhna kal kawng a nih avangin line department leh police-te tha thlah lova tang zel turin a chah.
Khawzawl district-ah dan lova fertilizer tawlhruk vawithum man a nih tawh thu leh fertilizer man tawh zawng zawng bag 3540 a nih thu leh hemi tihralna atanga sum hmuh Rs 9,41,640 chu sorkar sumbawma chhunluh a nih thu he thutkhawmah hian report a ni a. Khawzawl district tan Fertilizer dealer pahnih, C&P Traders leh Magadan Traders-te an awm tawh thu leh dan anga leitha an pek chhuah theih tawh thu report a ni bawk.
Fertilizer dealer mumal tak Khawzawl district-a a awm theihna tura sorkar hmalakna lawmawm an tih thu an sawi a. Dan lova hralh tur fertilizer man kawnga Agriculture department-a thawktute leh Khawzawl Police-te inpekna leh tha thawhna avangin District vigilance committee chuan lawmthu a sawi bawk a ni.