Aizawl : Health Mi- nister Dr R. Lalthang- liana’n Niti Aayog member (Health) Dr V.K. Paul hmuin, Mizorama zin turin a sawm a. Dr VK. Paul chuan tun thla ni 30-ah hian Mizoram tlawh theih a inbeisei thu sawiin, ZMC, Falkawna hotute bakah May ni 31-ah Health, Commerce & Industries leh Higher & Technical Education hotute nena inkawm turin ruahmanna an siam.
Dr R Lalthangliana chuan Union Agriculture & Farmers’ Welfare Secretary, National Ba- mboo Mission enkawltu ni bawk Manoj Ahuja pawh hmuin, 2006-2007 daih tawha Mizorama dist-wise resource mapping tih chu a hlui tawh deuh avangin a thara siamthatsak vek turin a ngen a. Manoj Ahuja chuan hei hi tha a tih thu leh sum sen ngai ang ang pawh tihsak vek a lo intiam niin sorkar thuchhuah chuan a tarlang.
Mizoram remote sensing application centre leh data te a thara kalpui tum a nih thu leh hemi atan hian sorkar laipui atanga technical mi, mithiam thawn a tum thu pawh a sawi niin sorkar thuchhuah chuan a tarlang a. Dr R Lal- thangliana chuan Bamboo development age- ncy, Mizoram hmalaknaa thilsiam hrang hrang zing ami agarbati stick chu thil danga thlaksak turin a ngen a. Duhaia a hlawk loh avangin mau-a siam thil dang – toothbrush etc., siam a lo pha- lsak niin sorkar thuchhuah chuan a tarlang.
Mau hmanga eizawnna ngelnghet siam kawnga hmalakna chin hrang hrang te sawidunin, eizawnna atana hmangtu ten samkhai leh rip lutuk lova hma an lak theih nan tanpuina (subsidy) ngaihtuahsak tura Dr R Lalthangliana’n a thlen pawh Ahuja chuan tihhlawhtlin ngei a tum thuin a chhang niin sorkar thuchhuah chuan a tarlang a. India ram pawn hmun hrang hranga mau hnah atanga thingpuife (tea-making) an siamchhuah ang pawh Mizorama tih ve dan kawng zawn ve a rawtna pawh Ahuja chuan a lo ngaihpawimawhsak hle niin a tarlang bawk.
Ministry of Health & Family Welfare Joint S- ecretary (Malaria) Rajiv Manjhi pawh hmuin Dr R Lalthangliana chuan ZMC tan auditorium Rs vaibelchhe 35 man hu sakna tur Union Minister Mansukh Mandaviya hnena a thlen tawh chu lo umzuisak turin a ngen a. Mizorama malaria vanga nunna chan an la awm zeuh zeuh avanga ma- laria tamna district ah te nasa lehzuala hmalakna tur chungchang pawh a sawipui a. Hemi chung- changah hian Rajiv Manjhi chuan June ni 1 ah Mizoram a rawn tlawh dawn niin sorkar thuchhuah chuan a tarlang.
Forest Ministry-a Inspector General of Forest Ramesh Pandey pawh hmuin, National Institute of Technology (NIT), Mizoram hmun, Lengpuiah forest clearance hmuh loh avanga rei tak hmalak theih loh chung- chang a sawipui a. Ra- mesh Pandey chuan forest clearance chu a lo tihfelsak nghal niin sorkar thuchhuah chuan a tarlang a. Sum chawi ngai pawh Ministry of HRD in an tum vek dawn niin sorkar thuchhuah chuan a tarlang bawk.
Max Hospital pawh tlawhin, doctor thiam te Mizoramah tira inentir hun buatsaihsak turin a ngen a, Mizoram doctor te training a thlawna pe turin a ngen bawk.
Border Roads Organization Director General Rajeev Chaudhary pawh hmuin, Lunglei leh Lawngtlai district inkalpawhna Tuipui ‘D’ Darzo kai lei dawh tur chungchang a sawipui a. Rajeev chuan clearance an tihfel tawh thu leh tender an koh tawh thu lo hrilhin a khawihtu tur contractor pawh June thla ral hma a thlan fel an inbeisei thu a lo hrilh bawk. He project hi Rs. vaibelchhe 90 hu niin July thla chuan hna tan theih beisei a nih thu sorkar thuchuah chuan a tarlang bawk a ni.