Inrinni zana English Premier League khelhah him tuma tan khawh Nottingham Forrest chuan team lian Arsenal an hneh. Arsenal an hneh vanga City an champion rualin Nottingham For-rest hi EPL khel chhun-zawm turin an him chiang nghal bawk a. Champion vanga City an lawm tluk zetin Nottingham pawh hi EPL an khel chhunzawm dawn vangin an lawmna a sosang ve viau bawk.
An muala point thawhchhuah mamawh Nottingham Forrest hi Arsenal player te ball inpek sual an hrem a.Fuh zeta an khingpuite an nawr let hnuin minute 19-na lekah Taiwo Awoniyi chuan goal pawimawh zet mai a thun. He goal hi hun tawp thlengin an venghim a, EPL an khel chhun-zawm dawn tih tihtiang nan an hmang zui a, City Ground-ah hun chhin-chhiahtlak an tawng.
Arsenal hnehtu Nottingham Forrest hian khelh 36 atangin point 37 an hmu mek a. Tlahniam thei dinhmuna ding mek Leeds United nen point 6-in an inthlau mek a. Leeds hian la lehpel bawk mah se 17-na awm mek Everton tan Nottingham hi lehpelh theih an ni tawh lo thung.
EPL-ah hian Man-chester City an champion chiang tawh a. Arsenal pawh pahnihna an ni chiang tawh bawk. Southampton an tlahniam chiang tawh a. Leicester City, Leeds United leh Everton te pathum zinga pahnih hi an tlahniam leh zui leh ang. Everton hian inrinni zana point khat an hmuh hmangin him beisei na sang zawk an nei.