Manipur tual chhung buaina avanga Mizorama sahimna zawnga ral tlan mi 7,348 an awm.
Sorkar chhinchhiah danin Pathianni tlai dar 6 thleng khan Manipur atanga raltlan hi Kolasib district-ah tam berin mi 2,618 an awm tawh a, Aizawl district-in dawtin mi 2,305, Saitual district-ah mi 2,157, Champhai district-ah 164, Lunglei district-ah 57, Mamit district-ah 19, Serchhip district-ah 18 leh Khawzawl district-ah 10 awmin, an vaiin mi 7,368 an awm a ni.
Manipur atanga ral tlan zat hi a danglam reng a, hei hi a chhan chu a then haw leh tawhte pawh an awm vang nia thudawn a ni. Hetih lai hian, Manipur atanga raltlan hi Mizoram district 11 zingah district pathum – Siaha, Lawngtlai leh Hnahthial-ah an la awm ve lo thung.
Sorkar thupek angin Manipur atanga raltlante hi an awmna district-a YMA ten lo chhinchhiahin an awmna hmun tur leh an ei leh in tur te an ngaihtuahsak thin.