Nirvana band puipa Kurt Cobain-a’n stage-a a vuakchhiat guitar chu lilamah an chhiarzat aia a let tam taka tamin $600,000 dawnin an hralh.
Fender Stratocaster dum hi remkhawm vek tawh a ni a, mahse play hleih theih a ni tawh lo, niin Julien’s Auction chuan a tarlang.
He guitar-ah hian band member pathum te signature a awm kim vek a, Seattle khawchhuak grunge metal, a hnu lama Alternative puipa ang hiala ngaih ni bawk Nirvana band ni chho ta hian 1991 khan nasa mangkhengin rimawi khawvel an sawi nghing lawih mai a, Rock music-in ngai a awh hlei thei tawh lo nghe nghe.
Auction Inpui hian a tirah tak chuan $60,000 (Rs Vbc 6) vela hralhchhuah theih an inbeisei na a, Hard Rock Cafe, New York-a live auction an han nei chiah chu ngam huai an lo tam ngang mai a, $595,000 in an tiral thei.
Heti ang zata an lilam fel thei hi Auction Inpui Julien’s pawh hian mak an ti a, thuchhuah an siamah, an suantuahna leh rinphak piah lam, mang lamah pawh an beisei ngam loh, a nih thu an tarlang.