Aizawl: Chief Minister Zoramthanga hovin nimin khan North East Global Investors Summit (NEGIS) neih tura Mizoram tel vena tur chungchang an sawiho.
Cabinet meeting room-a sawiho, NEGIS 2023 hi Ministry of DoNER-in a buatsaih tur hi May 29, 2023 atangin Mumbai, Dhaka, Hyderabad, Kolkata-ah te neiin, August 19, 2023-ah New Delhi-ah Ambassador Meet neih tura ruahman a ni a. Hengah hian state hrang hrangin investor-te hnenah state chhunga investment ti tura theihna awm hrang hrangte entirin an sawifiah dawn a ni.
NEGIS 2023-ah hian India ram chhung leh pawnah India hmarchhaka investment nasa zawk a luh theih nan roadshow neih a ni dawn a. Chumi atan chuan Mizorama investment tihtheihna project hrang hrang chhawpchhuah tur niin, chung zingah tourism, skill (nursing, hospitality, garment making, entertainment etc.), sports, tourism, food processing, education, etc. lama theihna a neih te sawi ho a ni ang.
Thutkhawmah hian Tourism Minister Robert Romawia Royte, Chief Secretary Navin Kumar Choudhary, Planning Secretary Lalmalsawma Pachuau leh committee member dangte an tel a ni.