An club din anih atanga kum 124-naah a vawikhat nan Brighton chuan Europe khawmualpui huap intihsiakna an khel ve dawn ta.
Teenager Evan Ferguson,18 goal hnih leh Pascal Gross-a goal khat hmangin tlachiang tawh Southampton chu 3-1 in an hneh a, table-ah paruknaah insawhnghet zelin, Aston Villa in umphak theihna la nei mah se, a chhe berah Europe Conference League talah chuan an inlan phak dawn.
Brighton hian khel hnih khelh hmabak an la neihah hian point khat an hmuh phei chuan Conference League aia sang Europa League an khel thei dawn a ni.
Brighton hi kum 1901 a din daih tawh niin, kum 123-na an hmang mek a, kum 124-na an tlin champha’ a khawmualpui huap inelnaa an inlan thei tur hi anmahni tantute pawh an lawm a, “We’re all going on a European Tour” tiin an au rual dual dual pawh hi an demawm loh e.