Manipur-a tlang mi MLA pahnih, LM Khaute leh Paolenlal Haokip ten nimin tlai khan Mizoram Pradesh Congress COmmittee (MPCC) President Lalsawta chu a chenna in, Mission Vengthlangah MPCC elected OB-te an kawm a. Manipur-in buaina nasa tak a tawh mek chu national level a hmalak ngai a nih avangin hma laksak turin an ngen.
MPCC hruaitute chuan Manipur buaina chu an ngaihven reng thute, a theih anga hma an lo lak tawh dante sawiin, national level-a Indian National Congress (INC) hotute hnenah na lehzuala hma la tura thlen an tum thu an lo sawi a. He buaina hian Zofate inpumkhat lehzualna thlen se an duh thu an sawi bawk.