Congress thalai, Mizoram pradesh youth Congress committee (MPYCC) hruaitu hlui leh thar ten nimin khan mawhphurhna an inhlan fel a. MPYCC President kalchhuak Dr. Lalmalsawma Nghak-a’n MPYCC hruaitu thar te duhsakna a hlan.
MPYCC President kalchhuak, MPCC Treasurer ni ta Dr. Lalmalsawma chuan ram tana thawk tura kalkawng pawimawh chu thalaia an chanvo tha taka hlenchhuah a nih thu sawiin, chanvo chu khelh chhuah tur a ni loh thu leh a thawha thawhchhuah tur a nih thu a sawi a. “Mi rintlak leh rintlak lo tehna chu a chanvo a hlenchhuah danah a ni”, tiin, chhawr leh rintlak ni si lo, nihna chelh duh thin ten pawl kalphung an tihbuai fo thu leh hmasawnna daltu an nih thin thu a sawi.
Dr Lalmalsawma chuan Mizoram thalaite sorkar tha duhin an tuihal nia sawiin, “Kan chhehvela kan unaute pawh thlamuan ngaiin an rum mek a, hengte tan hian sorkar tha pe turin Mizoram mipuiin Congress par- ty-ah beiseina an nei sang ber” tiin, “an beiseina tihlawhtling turin MPCC President Pu Lalsawta an au a. A hova sorkar tha siam tum Mizoram mama- wh mi tha tak takin Congress party-ah hna- thawh tumin an rawn pan mek. An ni nen ram hmasawnna hna- thawkin sorkar tha kan siam dawn a ni”, a ti.
Ram hmasawnna daltu leh thawhhona tichhe thintu chu mahni hmasial taka Pu chuam neih a nih thu Dr Lalmalsawma chu- an a sawi a. “Hei hian thawhhona a tichhia a, ram leh hnam hmasawnna an tithuanawp thin” tiin, thalai te chu party pui tha tichaktu, ngaihtuahna leh tha- hrui chak tak nei kan ni a, heng hi ruihhlo leh thil tha lo te hmangin kan tichhe tur a ni lo”, a ti bawk.
Congress thalai Pre- sident thar Laltawnliana pawhin Congress party-in NLUP leh NEDP hmangin mi tam tak eizawnna a siamsak nia sawiin, thalai ten an thiamna leh tuina hmanga ei an zawn theih nan Mizoram Kailawn a kalpui thu leh thalai tam takin eizawnna an neih phah thu a sawi a. Tunah chuan Mizoramin sum harsatna a tawh avangin Mizoram mipui an buai thu leh thalai mithiam tam tak eizawnna neilo leh eizawnna nei pawhin har- satna an tawh mek thu a sawi.
MPYCC President thar chuan “heng harsatna sukianga, thalai ten an tuina zawn taka ei an zawn leh theihna turin sum leh pai enkawl thiam, mi rinawm leh kutfai Pu Lalsawta Pathianin Mizoram enkawl turin min pe leh” a ti bawk a ni.