Aizawl : Synod Mission Board buatsaih Central Region Missionary Retreat vawi 4-na chu May ni 18-21,2023 chhungin Chaltlang Kohhranah neih a ni.
Retreat thupui ‘Krista hmangaihna chuan min tir lui a ni’ tih thupui hmangin Retreat Speaker, Rev. Dr. K. Lallawmzuala, Executive Secretary-in thuchah a sawi a. Zirtawpni chhun khan ‘Tunlai India rama rawngbawl dan tur pawimawhte’ tih thupui hmanga Rev. Dr. Hmingthansanga paper buatsaih chu zir ho a ni a, zan inkhawmah Senior Executive Secretary Rev. C. Zorammawia’n Pathian thu chah a sawi.
Inrinni nileng khan Kohhran Centenary Hall-ah Fakna Inkhawm hman a ni a. Zan inkhawmah retreat thupui hmangin Speaker Rev. Dr. K. Lallawmzuala’n thuchah a sawi a a, inkhawm banah hian Kohhran Centenary Hall-ah Zaikhawm leh a ni.
Pathianni chawhma leh chawhnuah Speaker, Rev. Dr. K. Lallawmzuala hnen atangin Pathian thuchah ngaihthlak leh a ni a. Chawhnu inkhawmah hian Missionary chatuan ram pan tate mi 21 sunna hun hman nghal a ni a. Zan inkhawmah Rev. R. Lalhmingsanga, Synod Mission Board Secretary-in Pathian thuchah a sawi a, inkhawm banah Kohhran Centenary Hall-ah an zaikhawm leh a ni.