Chakma Autonomous District Council 11-na MDC-a thlan tlinte chu nimin khan CADC Session Hall-ah Protem Chairman Hiranand Tongchangya-a’n rinawmna thu tiamtirin a la lut.
Protem chairman chuan MDC ni tura thlan tlinte a lawmpui thu sawiin sorkar tha tak dina CADC hmasawnna kawng zawhpui turin a sawm.
CADC chairman tur chuh theihna hun hawn a ni a, hun tiam chhunga chuhtu awm chhun, Kali Kumar Tongchangya, Fultuli bial atanga MNF ticket-a thlan tlin chuan hming a pe lut a, vawiin session-ah chairman atan pawm a ni ang.
Thawhtanni khan District Council & Minority Affairs Dept chuan CADC a Chief Executive Member atan Rashik Mohan Chakma pawmna a lo tichhuak tawh bawk.