Indian sorkar chuan khuh damdawi (cough syrup) siamtute chu an thil siam an thawn chhuah hmain a sample endik vek tawh turin a ti.
June 1 atang chuan company-te hian sorkar laboratory-in a endika a pawmpuina lehkha (certificate of analysis) an neih zel a ngai tawh dawn.
Tun hnaiah Indian siam cough syrup-te hi Gambia leh Uzbekistan-ah thihna thleng nen inzawmna a nei nia ngaih a ni a, kalphung pawh thlak a ni zui ve ta a ni.
Khawvela damdawi siam chhuaktu lian ber pathumna, India-a pharmaceutical industry-te damdawi rinhlelhna awm chungchangah hian inhnialna pawh a tam hle.
Director General of Foreign Trade chuan cough syrup thawn chhuah turte endik vek tura hriattirna hi a tichhuak a. Sorkar laipui leh state sorkar hnuaia endik theihna laboratory-te a tar lang bawk.
Kar hmasa khan Reuters chuan India hian cough syrup a thawn chhuahten ram pawna naupang thihna a thlen nia sawi a awm avangin a kalphung a tidanglam dawn tih a lo tar lang tawh.
Indian pharma company tam tak chu rinhlelh kaiin mi thiamte chuan a siam dan hmangah fel tawk lo a awm niin an sawi.