A career-a ATP clay-court title a lak vawikhatna ni turin Pathianni zan Italian Open mipa singles final-ah Russian third seed Daniil Medvedev chuan 7-5 7-5-in Holger Rune a hneh a, kum hmasa liam tawh zawngah Rome khawpuia match khat pawh hnehna la chang ngai lo kha a rawn champion ta nawlh a ni.
Tun kha kumin chhunga Medvedev-a title panga sualchhuahna ni tawhin, ATP ranking tharah pahnihna luah chhoin Novak Djokovic chungah a thu ta hial bawk.
May ni 28 atanga Roland Garros hmuna khelh tan tur French Open-ah kum 27 mi Russian hian second seed a chang ang.