Aizawl : Rajya Sabha member K Vanlalvena’n sorkar hriatpui damlo hmanhmawh bik thila Lengpui Airport-a hruai ngaite tana harsatna chu sutkian thuai beisei a nih thu a sawi.
Govt Lengpui High School-in kum 50 (Golden Jubilee) tlin lawmna hun a hmanpuinaah thu sawiin K Vanlalvena hian sorkar hriatpui damlo emergency-a Lengpui Airport-a tumpui theih loh chungchangah Principal Consultant (Aviation wing) J lalhmingliana nena central aviation lam hotu an zuk dawrnaah hetianga airport pali (4) dah zingah Lengpui Airport tel tih an lo hrilh a, dilna te an siam angin rei lo teah sorkar a hlawhtlinna chu hmuh thuai beisei a nih thu a sawi.
NIT chungchang pawh sawiin K. Vanlalvena chuan, cheng vaibelchhe 700 senna tur NIT Lengpui rama sak mek chu tunah cheng vbc 300 vel an hmang tawh a. Mahse a nih tur anga an sak loh avangin complaint a theh luh thu sawiin, “Tunah chuan Director fel tak dah a ni tawh a. Forest clearance tih fel loh avanga buai pawh department hotute nen Director General-ah kan ti fel ta a, rei lo te ah NIT building tha tak kan neih thuai ka beisei,” a ti.
He hunah hian khualzahawm bialtu MLA Er H Lalnunzira pawhin thu a sawi bawk.