Aizawl : Higher & Technical Education Minister Dr R. Lalthangliana chuan a pisa-ah HSSLC Examination 2023 result tihchhuaha a bial chhung mi leh sa zirlai ti\hate chawimawina a nei.
H&TE Minister hian HSSLC (Science) Examination, 2023 a Mizoram topper – Jonathan C. Lalhruaitluanga, Hnahthial Chanmari leh Mathematics subject-a mark hmu sang ber leh Mizorama sawmna (10th position) dinhmun luahtu Lalrindiki, Neihkhuma, Thingsai te chu lawmpuina thuziak, pawisa fai leh lehkhabu a hlan.
Lalrindiki hi an khua, Thingsai lamah a haw avangin a aiawhin Lalrengpuii, Thingsai Welfare hruaituin lawmpuina thilpek hi dawng a ni.
Dr R Lalthangliana chuan a bial chhunga zirlai ram pum huap board examination-a top ten-a lang thei an awm chu lawmawm a tih thu leh chhuanawm a tih thu a sawi a, an zir chhunzawm zelna turah duhsakna hlanin, taimak chhuah chhunzawm zel tur leh ram leh hnam tana chhenfakawm ni ngei turin a chah.