Berlin khawpuia concert nei zo hlim hlawl Roger Waters chu German police-in ‘Nazi-style uniform’ inbel vangin an chhuizui dawn.
Mercedes-Benz Arena-a show-ah hian Pink Floyd dintu hian boruak dangdai tak a thlen a, a khuh hawnnaah a thu leh hla chu screen lian takah kahchhuah sak niin, Frankfurt court-in Juda huatna chungchanga thubuai a siam ah tihsual emaw tihdik loh pakhatmah a nei lo tih a awm.
Berlin Police chuan Waters hian inhuatna leh innghirnghona cho tho zawngin a tawng chhuak nia puhna pawh an umzui nghal bawk.
Hei mai hi a la ni lova, coat dum ha a, a ban-a armband sen a tawng lehzel chu enliam chi ah an ngai lova, Nazi chawimawi tumna leh thiamchantir tumnaah ngaiin, puipunna hmuna heti anga inlan hi an la thu tak hle.
Police thupuangtu Martin Halweg chuan, “A thawmhnaw hak leh inlan dan hi SS officer inchei dan a ni,” a ti.