Aizawl : AMC Corporator C Lalchhandami’n “Ram leh hnam hmasawnna hi ram hruaituteah thui tak a innghat” tiin, “Kan ram India-ah ngei pawh tunhnai maia thil thlengah state thenkhatte chu an hruaitute avangin hma nasa takin an sawn tih kan hria a ni,” a ti.
ZPM party political session, nimina neihah he thu hi C Lalchhandami ch- uan a sawi a. State then- khat hmasawn dan sawiin, “Punjab Chief Minister Pratab Singh Kairon chu- an Irrigation tha tak nen an rama leilet zawl chei tha- in, an ram ei leh bar dinh- mun nasa takin a chawi- kang” tiin, Himachal Pradesh Chief Minister Yashwant Singh Parmer pawhin Apple hmangin an state economics nasa takin a chawikang niin a sawi.
Andra Pradesh Chief Minister Chandra Babu Naidu pawhin Fisheries-ah hma lain an ram a chawikang niin C Lalchhandami chuan a sawi a. Bihar Chief Minister Nitish Kumar te, Sikkim Ch- ief Minister Pawan Kumar Chamling te pawhin nasa takin an ram dinhmun an chawikang nia sawiin, “Delhi Chief Minister Arvin Kejriwal hnathawh te kan hre theuh, heng atang hian ram leh hnam hmasawn nana hruaitute pawimawh zia kan hre thei awm e,” a ti bawk.
Kawlphetha lama Mizoram dinhmun pawh sawiin, C Lalchhandami chuan “Tunah hian Mizoramin Mini hydel project leh Solar power generate lai pariat kan nei a, a lian ber Serlui B Hydel project hi thal lai chuan a nil deuhthaw a, a dang te pawh thal lai chuan an nil deuh vek a, kan state khamkhawp ngawr ngawr pawh an siam chhuak lo, state dang ami sum tam tak sengin kan lei a ngai a, mipuiah a man tlawm zawka hralh leh a ngawi bawk si, a manganthlak hle a ni,” a ti.
C Lalchhandami chuan “Kan ramah 2663 MW siam chhuah theihna a awm niin mithiam ten an sawi a, power-a intodelh hi ZPM chuan kan policy-ah pawh kan ngaihpawimawh ber te zing ami a ni” a ti a. “Kan thenawm state te um reng reng a kan awm reng mai hi a zahthlakin mipuite pawh kan than harh a hun hle tawh a ni,” a ti bawk.
“Ram hruaitu tha chu ram leh hnamin a mamawh dik tak hriaa thawk chhuak thei tura theihna nei hi a ni” a ti a. “Kum 35 state kan nih hnu paw- ha kawng hrang hranga kan la intodelh loh na ah hian kan ram hruaitu bakah a ram mipui hian a mawh kan phur a ni,” a ti. “Hemi siam tha leh tur chuan hruaitu tha leh kalphung thar kan mamawh a, mipuite pawh kan taihmak tel a pawimawh” a ti bawk a ni.