Miami Heat tan NBA Finals chu second tlemte chauh a hla ni hman mahse Boston Celtics in an zia an chhuah. Huntawp dawn second hnih pawh awm tling tawh lovah Derrick White chuan point pawimawh a score a, 103-102 in Celtics an chak.
Pathianni tukah Kaseya Center-ah Eastern Conference Finals game 6 hi khelh a ni a. Game hmasa pathum a chak Heat hian vawikhat chak bak mamawh tawh lo mahse Celtics in game 4 atangin an tlozia an lantir a. A zawna vawi thumna ni tura chakin 3-3 in an intluk mek.
Celtics tan Jayson Tatum chuan point 31 score in Jaylen Brown leh Marcus Smart ten point 26 leh 21 an score.
Game 7 hi Thawhlehni zingah Boston khawpui a TD Garden-ah an khel dawn a, a chak zawkin NBA Finals an khel ang.