Nimin Pathianni kha Thlarau Thianghlim thlen ni, Pentikos Ni a ni a, kohhran hrang hrangin urhsun takin an serh.
Presbyterian kohhran chuan Pentikos Ni-ah hian thupui inang tlang zirho a ni a. Chawhma inkhawmah ‘Thlarau Thianghlim nei rawh u’ tih thupui zirho a ni a, chawhnu inkhawma ‘Kan mamawh Thlarau dik’ tih thupui zirho leh a ni a, zanah ‘Tinungtu Thlarau’ tih a ni.
Zan inkhawm hi Presbyterian Church of India General Assembly puala tawngtai rualna hun atan hman a ni a, zan inkhawm thawhlawm hi PCI General Assembly pual a ni.
Pentikos Ni hi Mizoram chhunga kohhran hrang hrangin urshsun leh hlim takin an hmang a ni.
Pentikos hi ‘Sawmngana’ tihna a ni a. Thuthlung Hlui-ah chuan Kalhlen Kut tiak ni atanga ni sawmnganaah an hmang thin a. Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni ta a ni.