Midang ang lo takin Beyonce-i’n tunhnaia boral ta Tiner Turner vang chauha rimawi dawhsana chuangkai thei a nih thu a sawichhuak.
‘Queen of Rock N’ Roll’ Tina thihna hian a bik takin Beyonce a barakhaih nasa lehzual a, ‘Renaissance’ tour kalpui mek hian Queen Bey, Paris-a show a neih laklawh laiin, legend boral ta sunna reilote a chawl a, ‘Tina Turner tel lo chuan he stage-ah hian ka inlan ngai reng reng lovang’ a ti.
“Tina Turner zahna leh thlahna nipahfawmin second reilote hman lawk ka duh. Ka fan in nih chuan Tina Turner fan in ni, tihna a ni. Tina tel lo chuan he stage-ah hian ka inlan ngai reng reng lovang. Ring tak khan au u la, in hmangaihna kha a lo tem ve thei dawn a ni. A zinkawng ropui tak mai mit ngeia hmutu ka ni thei hi malsawmna duhawm tak a ni,” tiin Beyonce hian a sawi.
Zai laklawh laia a thusawi lai video ni bawk hi social media lamah a viral nasa hle a, mi tam takin hnukulh teuh chungin anen.