Special Judge, POCSO Act chuan kumtlinglo vawi tam tak pawngsual thintua puh, H Zanunthanga (46) chu thiam loh a chantir a, a hremna tur hi Nilainiah puan a ni ang.
Court-in thuremna a tihchhuaha tarlan a nih danin H Zanunthanga hian naupang kum 14 mi chu August 5, 2013 khan ramhnuaiah thing phurhnaah a pawngsual a, a hnuah raiin fa a hring a, kum 2018 thleng khan a chetsualpui thin a, November 22, 2018 khan pawngsual tawktu nu hian Saitual Police Station-ah FIR a thehlutin thubuai siamsak a ni a, Central Jail-ah awm mekin, a tantir atangin bail phal a ni lo.
Thubuai ngaihtuahtu, Special Judge (POCSO Act) Vanlalenmawia chuan thuhretu hrang hrangte a koh hnuah nimin khan thutlukna a siam a, H Zanunthanga chu thiam loh a chantir a, Nilaini khian a hremna tur hi a puang ang.