Mizoram Pollution Control Board hnuaia Mizoram EIACP Hub leh Mizoram Academy of Arts-te tangkawp chuan Aizawl khawpui chhûnga zirlaite tân Painting Competition inrinni khan an buatsaih.
He Painting Competition hi Govt. Mizo High School Hall-ah hman niin zirlai 120 chuang an tel a, an zirtirtute leh an chhûngte’n an tâwiâwm bawk.
Zirlaite hian Beat Plastic Pollution tih thupui hmangin milem an ziak a, thla thar June ni 5-a World Environment Day lawmna kal zêl niin sawrkâr laipuia Mission LiFE programme hnuaiah hman niin June ni 5-ah hian result pawh hi puan tur a ni ang.