AC Milan in season tharah UEFA Champions League an khel dawn a. Olivier Giroud goal khung hmangin 1-0 in Juventus an hneh avangin a sang pali zingah an tel dawn chiang.
Pathianni zana Allianz Stadium a inkhelah dinglam atanga Davide Calabria ball cross chu France striker in minute 40-naha a tauh lut a. Goal dang khung belh a ngai lo.
Juventus hi kar hmasa khan tunhnaia an thubuai neih chungchangah an hremna tawrh chu hlihsak ni hman tawh mahse point 10 paih a hremna thar an chungah kenkawh leh a ni a. Milan laka an tlawm leh bawk si avangin an tan a sang pali zingah tel theih a ni tawh lo.
Milan hian Alexis Saelemaekers hmangin goal an khung belh teuh bawk a. Tun season-ah mahni mual leh mikhual team ni chungin Juventus hi an hneh ve ve a. Kum 50 chhunga a vawi thumna atan chauh hetiang hi an ti thei.
Season thar a Champions League khel tur an chiang tawh a. Inter leh Lazio ten champion Napoli an zui dawn chiang tawh.
Hetihlai hian AS Roma in Nilaini zanah Sevilla chu Europa League final-ah an hneh a nih chuan season tharah Italian team panga in Champions League hi an khel thei dawn tihna a ni.