Arunachal Pradesh Chief Minister Pema Khandu chuan inkalpawhna kawngpui tha chuan Changlang district, Gandhigram-a Yobin tribal chengte chu a tichangkang dawn niin a sawi.
Yobin hnamte hi tual chhung mite chuan Lisu tiin an sawi mai thin.
Gandhigram-a chengte hi helicopter bakin tlawhpawh theih an ni ngai lo va, lirtheia kalpawhna kawng a awm lo.
Chief minister hian tun hnaia a tlawh tumin Gandhigram-ah hian helicopter tumna tur, helipad a hawng a, hei hi Vijaynagar nena inpawhna tur a ni.
Gandhigram a tlawhnaah hian Khandu chuan kawngpui a ngaih pawimawhsak thu sawiin an hna hmasa a nih tur thu a sawi.
Vijaynagar hi ramri hnaih tak a nih tawh avangin indo thlawhna leh bungraw phur thlawhna dang pawh a lut thin a, heta tang hian helicopter-in Gandhigram hi pan leh tur a ni.
Indian Air Force leh Indian Army chuan Vijaynagar-a an hmunte hi kum 2019 khan an thuam tha thar leh bawk.