Zo Re-unification Organisation (ZORO) executive meeting chu nimin khan an president, R Sangkawia hoin an thukhawm a, Zofa Inkhawmpui Lian neih zawk an thlir let.
Thutkhawmah hian chawlhkar kalta Zirtawpni leh Inrinnia Vana Pa Hall-a Zofa Inkhawmpui Lian neih zawh taka a hlawhtlin nana hun leh tha, sum leh pai thawhtute leh inpeknaah lawm thu an sawi a. Cabinet Minister Lalruatkima leh Rajya Sabha member K Vanlalvena telpui a, an sawmna an tihhlawhtlinsak avangin lawmthu kan sawi bawk.
Zofate Inpumkhatna leh rorelna hmunkhat hnuaia kun za theih nana mahni theihna hmun theuhah tan la turin Zofa zawng zawngte sawm nawn bawk.