Roland Garros-a hmeichhe singles first round-ah 2018 runner-up American Sloane Ste-phens chuan 6-0 6-4-a Czech 16th seed Karo-lina Pliskova hnehin round hnihna a lut a; inkhel dangah 6-1 3-6 6-1-a Estonia nula Kaia Kanepi hnehtu Madison Keys pawhin a chipui hnungzuiin second round a lut ve bawk.
2017 US Open final-ah khan American nula ve ve intawngin, Ste-phens lakah Keys hi a lo tlawm tawh a ni.
French Open-a quar-ter-final vawithum lut tawh leh US Open champion hlui ni bawk Stephens hian kum 2018 phei kha chuan Paris-ah hian final lutin runner-up dinhmun hial a chang ve tawh a, a bultanna in-khela Grand Slam finalist tum hnih ni tawh leh world number one hlui Pliskova a vuaktlak leh nghal avangin unseeded player ni chunga Roland Garros-a player hlauh-awm ber an lo tih ve thin a nihna kha kuminah pawh a lantir chho leh dawn nia ngaihna a lian nghal.
WTA ranking lama 30-na daih a nih avangin Stephens hian kumin French Open-ah pawh ‘seeded’ dinhmun a luah pha lo leh a, mahse, hlauhawm takin bul a tan leh thei a; Thawhtannia hnehna a chan rualin mihang a nihna zawna diriamna leh deusawhna a dawn thin thu leh tennis chauh lo infiamna dang dangah pawh racist-te khapbeh an harsatzia a sawichhuak.
Hmeichhe singles round of 128 inkhel dangah kum 2021 runner-up Anastasia Pav-lyuchenkova of Russia pawhin Czech tleirawl Linda Fruhvirtova lakah 6-2 6-2 hnehna a chang.
Thawhtanni vek khan first round-ah bawk French fifth seed Caro-lina Garcia pawhin Chinese Wang Xiyu hneh chungin tourna-ment bul a tan ve bawk.