Molsom Youth Association (MYA) Headquarters, Tripura chuan Manipur tual chhung buai avanga Meitei leh Zofate inkara inhmuhthiam lohna awm avanga sahimna zawnga Mizorama raltlan tanpuina turin Central YMA kaltlangin Rs. 80,000 an hlan.
MYA hi Tripura-a awm an ni a, Manipur tual chhung buai avangin an unau Zofaten harsatna an tawk tih hriain tanpui ngei an duhin vehbur an khawn a, an vehbur khawn atanga pawisa lut zawng zawng Central YMA kaltlangin an hlan a ni.
MYA hruaitute hi anmahni an kal theih loh avangin an aiawhin Aizawl-a an welfare hruaituten an hlan.
Central YMA President R. Lalngheta chuan, “Unau nih hi a nuam a, khawi hmunah pawh awm ila kan inunauna a bo lo tih a lang chiang zel a. |anpuina kan pe tam thei emaw thei lo emaw, unau kan nihna kan tihlan zel hi a hlu a ni. Kan unauten khawi hmuna pawh harsatna an neih chuan CYMA chuan an tan ke kan pen zel ang,” a ti.