Aizawl : MNF party Adviser J Malsawm- zuala’n MNF-in a chhe thei ang bera thudik ziaktluaklo leh dawt hma- ngtea beih a tawk thin nia sawiin, “Sawiselna karah pawh kan Pathian chu kan vuan tlat a, chhe lailet dera puhna karah pawh Pathianin min hruai zel a ni,” a ti.
Serlui North leh So- uth block MNF buatsaih Bilkhawthlira media & political training nimina neihah he thu hi J Malsawmzuala chuan a sa- wi a. “Hripui, lirnghing, Vawk pul hri, ram- ri buai leh chhan hrang hrang avangin Zoramin hun harsa kan tawk a, Pathian hruaina bakah, kan CM Pu Zoramtha- nga ruahman thiamnate, NGO leh kohhran tha- whhona avangtein kan paltlang thei a. Chhuan chham awm lovin vawiin kan thleng thei a a lawmawm hle” a ti.
Hri te a ziaawm tak avangin hmasawnna na- sa leh zual Mizoram tan hian a thleng zel dawn niin J Malsawmzuala chuan a sawi a. “Gas kan hnianghnar ta em em a, buhfai lah ni se kan chhekkhawl hnekhnuka, ei leh barah harsatna kan nei ta lo te hi a lawmawm takzet a ni”, a ti bawk.