Aizawl: Aizawl West-I bialtu MLA Zothantluanga’n Sairang khawtlang hnenah tui chhung luhna hmanrua set hnih a hlan.
Hmanraw inhlanna puala inkhawm tawi neihah Valtea chuan thu sawiin, sorkar leh VC-te nena an hmalakna azarah hmanraw changkang leh tha, man to tak mai neih theih a ni ta chu Aizawl mipui mai bakah Zoram mipui tan chanchin lawmawm tak a ni a, Zoram mipuiten an tangkaipui ngei a rin thu a sawi.
Sairang khawtlang tan erawh an tlawmngaih chhuah zelna tur hmanrua a nih thu sawiin, Sairang mipuite tui tla ruang zawn kawnga an tlawmngaih thinna chu chhuanawm a tih thu a sawi.
He hunah hian Sairang khawtlang hruaitute pawhin thu an sawi a, tui chhung luhna hmanrua chu DC leh governor thlengte hnenah pawh dil thin mah se a hlawhtlinna an hmuh ngai loh thu an sawi a, an bialtu MLA-in an mamawh thlennate a tihhlawhtlinsak chu an lawm hle tih an sawi.
Valtea hian nimin vek khan Sairang football field a tlawh a, a bial chhunga Class X leh Class XII top ten-a langte lawmpuina laptop a hlan bawk.