Manchester City manager Pep Guardiola chu League Managers Association in Manager of the Year atan an thlang.
Guardiola hian Sir Alex Ferguson Trophy hi tum thum a dawnna a ni a. English Football League a division hrang hrang a manager ten a tha berah an thlang.
Kum 52 mi hian season tawp chawimawina a hui thahnem viau a. Premier League Manager of the Year ah thlan ni bawkin a zawna season thum league title an lak theih avangin chawimawina hi a dawng.
Guardiola hi LMA Manager of the Year a tum thumna atana dawng thei pathumna niin David Moyes nen an lak zat a inang a. Sir Alex Ferguson chu pahnihin a la pha lo.
Hmeichhe chawimawina lamah Women’s Super League Manager of the Year atan Chelsea champion puitu Emma Hayes chu thlan a ni a. Blues hian Manchester United khumin kuminah WSL title an la a. A zawna league title an lak tum li na a ni.
Chawimawina dang zingah Burnley manager Vincent Kompany chu Championship Manager of the Year a thlan a ni a. Plymouth chetthatpuitu Steven Schumacher chu League One Manager of the Year a ni ve bawk.