French Open hmeichhe champion lo ni tawh Jelena Ostapenko chuan round hnihna a pel thei lova. American mi Peyton Stearns lakah a chesual.
Seeded number 17 hauhtu kum 2017 champion Ostapenko hian a khingpui, a vawikhatna atana Roland Garros a inkhel hi 6-3 1-6 6-2 in a hneh lo.
Kum 21 mi Stearns hian America khawmualpui chhuahsan a Grand Slam tournament a khelh hmasak ber a ni a. Tun tum French Open-ah hian che chhe lovin doubles inelna a world number one ni lai Katerina Siniakova chu round hmasa berah a lo hneh tawh.
Third round-ah hian seeded number 9 Daria Kasatkina a hmachhawn leh dawn a. Ani hian Marketa Vondrousova 6-3 6-4 in a hneh ve thung.
Second round pel lo langsar zual zingah tualchhung mi tan hlawh tak Caroline Garcia pawh a tel a. Anna Blinkova chu 4-6 6-3 7-5 in a hneh lo. Seeded number 5 niin hmeichhe inelna a tla tawh zinga seeded sang ber a la ni.