Manchester United forward Anthony Martial chu Inrinni zana FA Cup final an khelh hunah a inlan ve dawn lova, malpui hliam avangin Manchester City a hmachhawn ve dawn lo.
France international hian Pathianni zanah Fulham 2-1 a an hneh tumin hliam hi a nei a, enfiah a nih hnuah tihrawl hliam a ni tih finfiah a ni.
Tun season-ah Martial hian inhliam avangin inkhel a hmachhawn tam lova. Premier League match 21 khelin goal ruk a khung bakah midang khung tur vawi hnih a siamsak.
Inhliamin a tihbuai leh thin avangin United lam hian an player hi tun nipuiah amah ngaihventu an awm chuan chhuahtir mai an hnial lo niin thu a thang tel ve mek bawk.