Italian football club Juventus chuan tun nipui a Christian Pulisic lakluh tumnaah hma an hruai mek a. Chelsea in United States forward hi Pound maktaduai 20 vela hralh an phal niin thu a thang mek.
Chelsea hian manager thar Mauricio Pochettino an neih tur an tichiang tawh a, mahse ani hnuaiah hian Pulisic hian hmun a chang zui dawn lo niin a lang.
Kum 2019 a Borussia Dortmund atanga Pound maktaduai 58 a Blues zawmtu hian kum khat contract bak a nei tawh lova. Tunhnai kum hnih chhungin hliamin a tihbuai thin avangin beisei angin a khel lo fo.
Tun season-ah starting XI chang tam lovin match 30 a khelh atangin goal khat chiah a la khung.