Kolasib DFO-in kum 2022-23 chhunga ramsa hring leh sarep an mante chu nimin khan Kolasib Bawrsap John LT Sanga’n Kolasib-a Conservator of Forest, Northern Circle office kawtah a hal ral.
Kolasib bawrhsapin a hal ral takte hi sai leh sazuk tlang 480, sava 55 leh sakhi pakhat a ni a, hengte hi Kolasib District Court thupek angin hal ral ani a; dan loa sarep leh sa dang kawltute hi dan angin hremna pek an ni.
Sa hring leh sarep hal raltu, Kolasib Bawrhsap John LT Sanga chuan khua leh tui tha ni tur chuan dan ngaih pawimawh leh zawm a tul thu sawiin, ram timawi zualtu ngaw leh a chhunga cheng ramsa leh savate hlut thiama boruak thianghlim leh an mamawh hrang hrang petu an nih angin leilung hausakna humhalhna chu mi tin mawhphurhna a nih thu a sawi.