Mizoram chhunga football inelna lian LBS Suzuki 21st Inter Branch YMA Football Tournament 2023 chu khelh chhunzawm niin round of 32 khelh zawh a ni a. A sang 16 te hriat an ni tawh.
Nilaini khan round of 32 hi hmun parukah khelh a ni a. Inkhel hmuhnawm tak takah result inbarakhaihna a awm nual.
Tla langsar zinga he inelna a che tha thin Armed Veng an tel a. Mahni mualah Tlangnuam lakah 3-2 in an tlawm.
Tlangnuam tan CVL Remtluanga chuan goal hnih a khung a, Vincent Lalduhawma chuan goal dang khung Armed Veng in second half-ah sut zawh tum mahse Lalbiakhlua penalty leh Lalfakzuala goal khung bak goal an neih belh lo.
Rajiv Gandhi Stadium lamah India tana age group a che tha thin Edmin Lalrindika chuan ITI Veng tan goal hnih a khung a. 3-2 in Chanmari an hneh.
Muallungthu lama inkhelah Bethlehem Vengthlang in 7-0 in Marpara an hneh a. Suanngaihmuana chuan hattrick a siam. 3-2 a Ramhlun North hnehtu Sialhawk nen an inkhel leh ang.
Round of 16 khel turte :
- Thingsulthliah
- Bawngkawn
- ITI Veng
- YMA Mission Veng
- Tlangnuam
- Venghnuai
- Durtlang
- Hualngohmun
- Salem Veng
- Thenzawl Jt
- Khawzawl Vengthar
- Bethlehem Vengthlang
- Darlung
- Lengpui
- Republic Veng
- Sialhawk