Union Home Minister Amit Shah chuan tun hnaia mi 80 chuang thihna thlenna, Manipur-a boruak a pangngai leh theih nana hma a lakna kal zelah Nilaini khan India leh Myanmar inrina, Moreh khua a tlawh.
Thawhtanni zan tlai tawh taka Imphal a thlen hnuah Shah hian Kuki leh Meitei hruaitu hrang hrang te, venhimna lama officer lawk te leh Manipur cabinet minister te a kawm tawh a. Muanna a awm theih nan Thawhlehni zan khan all-party meeting a ko bawk a, hei hi ni khata meeting a neih vawi kuana zet a ni.
Shah hian Nilaini chawhma khan Moreh a tlawh leh bawk a, Kuki hnam hruaitute a kawm bakah venhimna lam dinhmunte a en.
Chawhnuah Kangpokpi district a tlawh bawk a, hei hi Kuki tamna a ni a, Meitei khua a awm nual bawk a. Kangpokpi hi tun hnai buaina chhuak tuar na ber zinga mi an ni a, sakhaw hmun leh inte tihchhiat a ni nasa hle.
Home minister-in a tlawh mek lai pawh hian Manipur hmun thenkhatah buaina a awm leh thin bawk a. Thuneitute chuan Sugnu, Kakching district-ah Thawhlehni zan khan hel leh venhim hna thawktute an inkap tih an sawi a. Sagolmang, Imphal East-ah civil mi pakhatin hliam a tuar bawk.
Union minister hi Home Secretary Ajay Kumar Bhalla leh Intelligence Bureau Director Tapan Kumar Deka ten an tawiawm.
Manipur cabinet nen Thawhlehnia an inkawm hnuah thutlukna lian tak tak panga an siam a. Heng zingah hian dan leh thupek kenkawhna lama hma thar lak dan tur te, buaina chhuak tuartute puih dan tur te, thite zangnadawmna pek tur te leh inbiakpawhna tihnun leh dan tur te pawh a tel.
Shah hian thuneitute chu an state-a muanna tichhe zawnga chete lakah na taka che ve turin a ti a, buaina chu Central Bureau of Investigation chhui a tul pawha chhui tur thlengin a ti.
Tribal MLA 10-ten state hran an ngiat chungchangah Shah chuan Manipur inpumkhatna chu tihchhiat theih a ni lo tih a sawi a. Khawtlang hruaitute chu muanna a awm theih nan chanvo pawimawh tak an nei tih sawiin, politics-a chin felna chu zawi zawia kalpui chi a ni thung tih a sawi.
Tribal tamna, Churachandpur district-a an hruaitute a kawmnaah Shah hian tharum thawhna ang chi thleng tur chu veng hram hram turin a ti a, tribal-te tan buhfai ton 20 pek an nih tur thu a puang bawk a. An state-a muanna a awm leh theih nana remchang awm chu bawhpelh lo turin a ti bawk.