French Open a seeded number 5 nihna hauhtu Stefanos Tsitsipas chuan third round a lut a. Roberto Carballes Baena chu straight set in a hneh.
Kum 2021 a Roland Garros a final khel tawh Greek star hian Court Suzanne Lenglen a inkhelah hian 6-3 7-6 (7-4) 6-2 in a khingpui hi a hneh.
Kum 24 mi hian seeded nihna chang lo Diego Schwartzmanemaw Nuno Borges a hmachhawn leh ang.
Grand Slam tournament vawi hnih a final khel tawh Tsitsipas hian a khingpui service hi set hmasa berah vawi hnih break sakin set a la a. Set hnihnaah pawh tum hnih break sak leh mahse Carballes Baena hian a bei let ve a. Tie-breaker ah erawh Tsitsipas bawk a dingchang zawk.
Set thumnaah 4-0 a hma a hruai chu chhawr tangkai in darkar hnih leh minute 16 chhungin a chak.
“Lei a inkhelh hi ka ngainat a ni a, tennis ka khelh tanna pawh a ni. Hei vang hian ka tan chuan a pawimawh a, inmil bik riau na hi kan nei. Keimah ka nihnaah hian a bet tawh.” tiin a chak hnuah Tsitsipas chuan a sawi.
Inkhel dangah ItalianFabio Fogninin chuan 6-4, 7-6(7-5), 6-2 in Jason Kubler a hnih a. Seeded number 24 changtu Sebastian Korda erawhin Sebastian Ofner chu straight set thovin 6-3, 7-6 (7-1), 6-4 in a hneh lo ve thung.