Thla tam vak lo kalta khan Indian inchaimi te chuan an himna chungchanga lungawilohna lantirin, Wrestling Federation of India hotupa Bujbhusan Sharan Singh laka an thinrimna chu Jantar Mantar, Delhi-ah an lantir thin.
Tunhnai khan inchaimi te leh police te tharum hmanga innawrbuaina thlalak leh video a darh nasa hle a, ram mipuite’n inchaimite an thlawp tlat laiin, Bollywood milar te erawh an ngawi thuap thung.
Hei taka hi mipuite thinrim tizualtu leh an lawmna chhan lian tak ni zuiin, social media lamah an troll nasa hle.
A bik takin Aamir Khan, Priyanka Chopra, Parineeti Chopra, Shah Rukh Khan leh midangte an bitum lehzual a, heng mite hi Indian infiammi te angin film lar tak tak- Dangal, Mary Kom, Chakk De! ah te an inlan hlawm a, Sina Nehwal leh midangte pawh a ni ang. Mahse, ram tana medal hlu tak tak hawntute’n harsatna an tawk chiah chu an tukhum chhah lam an lantir a, an mahni thlawpna emaw duhsakna engmah an lantir lo.
Heti anga mipui lungawi lohna hi twitter-ah a riring lehzual a tih theih ang a, user pakhat chuan, “Aamir Khan, Priyanka Chopra, Parineeti Chopra te hian Indian sporting star te chanchin behchhan film-ah te an inlan. Khawiah nge an awm zawh tak? Priyanka khan ‘Black Lives Matter’ te kha a khukpui chiam a ni lawm ni?” tiin a ziak.
User dangleh chuan, “Mi zak thei lo Aamir Khan, Shah Rukh Khan leh midangte hi tawngkam chhuak ngam lo khawpin hlau leh khurin an awm a, ruling party lam atanga beihna an tawh an hlau hle te pawh a ni ang. He ram hi Lal hrawt te’n kum 9 kalta chhung khan a nawm a makin an sawisa tawh a, a vanduaithlak hle a ni,” a ti ve bawk.